ABŞ-nyň prezidenti Donald Tramp 8-nji awgustda Ak tamda Azerbaýjanyň prezidenti Ylham Alyýew we Ermenistanyň premýer-ministri Nikol Paşinýan bilen duşuşar.
“The Washington Post” gazetiniň we “Roýters” habarlar gullugynyň habaryna görä, duşuşyk wagtynda oňa gatnaşyjylaryň Baku bilen Ýerewanyň arasynda baglaşylan parahatçylyk şertnamasyny yglan etmekleri hem mümkin.
“Middle East Eye” neşiri, çeşmelere salgylanyp, taraplaryň özara düşünişmek jarnamasyna gol çekjekdigini ýazýar.
Ermeni hökümeti Paşinýanyň 7-8-nji awgustda Waşingtona barjakdygyny tassyklady. Ol Tramp bilen duşuşar, soňra Alyýewiň hem gatnaşmagynda, "sebitde parahatçylygy, abadançylygy we ykdysady hyzmatdaşlygy ösdürmäge" gönükdirilen üçtaraplaýyn duşuşyk bolar.